wahan sahilon ki rait py,basharaton ka charagh bhi hai jala huwa
wahan haath meray bandhay huway mera badba'n chida huwa
gayee sa'aton ki talash main mera harf harf bikhar giya
kahin teray nam ka shair bhi,meri bayaz-e-jan pay likha huwa
meri poor poor pay titliyan,kai rang chor k ja chukin
teray zikar ka koi phool tha,meray ratjagon main khila huwa
usay rait rait main khojna usay lehr lehr main dhoondna
koi shehad sa tera ehad tha,inhi sahilon pay likha hwuwa
nay mausmon k khraam bhi nay lams raas na a sakay
main yah aitraaf kahan karon,tera mu'atbar tha kaha huwa
kisi mor naach ka rung bhi teri aankh ko na lubha saka
koi zard zrad sa khwab tha,teri putlion main kkhuda huwa
Subscribe to:
Post Comments (Atom)
No comments:
Post a Comment