kisi ko anjuman aaraiyaaN nazar aaiN
kisi ko zaat maiN tanhaaiyaaN nazar aaiN
maiN is liye teri mehfil se louT aaya hooN
jaga jaga muje ruswaaiyaaN nazar aaiN
sama,atoN ne basarat ka roop dhaara jab
faza maiN goonjti sehnaaiyaaN nazar aaiN
wo apne aap se anjaan he raha jis ki
zamane bher se shanashaaiyaaN nazar aaiN
mere wajood pe aakhir ye kis ka pehra he?
jala charaagh tu parchaaiyaaN nazar aaiN
lagaaii aaNkh se majboriyuN ki ainak tu
bure amal maiN bhi achchaaiyaaN nazar aaiN
zameeN ke husn ka wo bhi he aik rukh babar
ufaq ke paar jo raanaaiyaaN nazar aaiN
Subscribe to:
Post Comments (Atom)
No comments:
Post a Comment