JUDAI

JUDAI
Suno! JUDAI moat hoti hai,
kabhi fursat milay tau dekhna patton ka girna tum,
k jab ye shajr sey gir ker zmeen per aan partay hain,
tau kaisay ronday jatay hain

Thitharti raat k khamosh lamhon mein,
kisi by'bas akeli ba'wafa larki ki,
kabhi tum siskiyan sun'na

Kahin qitar sey bicharti hoi konjon k nohey per nigah karna,
k kaisay aik doujay ki judai per, tarap ker bain karti hain,

Kabhi rukhsat k lamhon mein kisi ki aankh sey
lurhaktay huay aansu ko dekho gey,
tau shayed jan jao gey,
JUDAI maut hoti hai

Abhi tum ne MOHABBAT k barastey beeghtey mausam nhe dekhey,
abhi tum titliyon k rang mut'hhi main chupatey ho,
abhi tum muskratey ho,

SUNO! kabhi jo zindagi ne ajnabi veraan rahon per
tumhari ye hansi cheeni,
tau phir aansu bahao gey,
tum itna jan jao gey,

"JUDAI MOUT HOTI HAI"