Maira tamaam fun, mairi kaavish, maira riyaaz...
Ik na-tamaam geet k misray hain jin k beech...
Ma'ani ka rabt hay na kisi qaafiyay ka mail...
Anjaam jis ka tay na hua ik aisa khail...
Maira mata bas yehi jaadu hay ishq ka...
Seekha hay jis ko mai'n nay barri mushkilon k saath...
Khulta naheen hay kuch k haqeeqat may kya hay yeh...
Taqdeer ki ata hay ya koi sazaa hay yeh...
Kis say kahain aey jaan k yeh qissa ajeeb hay...
Kehnay ko yoon to ishq ka jaadu hay mairay paas...
Per mairay dil k waastay itna hay is ka baujhh...
Seenay say ik pahaarr hat'ta naheen hay yeh...
Laikin asar k baab may halka hay is qadar...
Tujhh pay ager chalaaon to chalta naheen hay yeh...!
No comments:
Post a Comment