shahar ke beech jo dariyaa dikhaayee deta hai;
wo sookh jaaye to tanhaa dikhaayee deta hai.
tumhaari party hai yun to shaandaar magar;
...harek shakhs akelaa dikhaayee deta hai.
diye the zakhm jo logon ne.. bhar gaye shaayad;
mareez aajkal achchhaa dikhaayee deta hai!
badi adaa se chhupaataa hai durdashaa ghar ki;
tumhein jo taat ka pardaa dikhaayee deta hai.
kabhi jo chaand pe budhiyaa dikhaayee deti thi;
wahaan pe aajkal dhabba dikhaayee deta hai.
main uske saamne rakhta hoon bheed shabdon ki..
..wo be-zubaan tadapta dikhaayee deta hai...........
Subscribe to:
Post Comments (Atom)
No comments:
Post a Comment